Mulleres que nos dan que pensa

Este artigo ven un pouco retomar a literatura en galego e retomar a temática feminista que moito antes facíase eco neste blogue.

O presente e o futuro da nosa contorna tamén ten que ter un recoñecemento para o pasado e para as mulleres do pasado.

Todos e todas recordamos grandes escritores, grandes filósofos, grandes figuras da nosa historia, pero esquecémonos daquelas mulleres que tamén fixeron historia non só no mundo senón no día a día.

A autora desta obra é África López Souto, catedrática de filosofía do IES Urbano Lugrís da Coruña, foi tamén editora da edición galega da obra de Simone de Beauvoir O segundo sexo editado por Edicións Xerais de Galicia no ano 2007.

Nesta obra, a autora non fai unha análise en perspectiva histórica, senón por eixos temáticos, tratando tamén aqueles oficios esquecidos que ocupaban mulleres e que até fai pouco non tiñan nin seguro na Seguridade Social como son palilleiras ou mariscadoras, oficios no Réxime especial do mar.

Por tanto, é unha obra moi aconsellable para aqueles que desexen coñecer a súa historia nun espírito crítico e dinámico. Todos temos un deber coa memoria como cidadáns do mundo, como cidadáns galegos e como cidadáns da nosa contorna municipal.

Investigando un pouco, seguro que encontraredes moitos nomes de mulleres.